Saturday, October 12, 2013

Kisah Rukuk Pak Imam





dah baco jgn ekau golak guling guling lak waghih...
Ni ceghito bonar. Di ceghito an turun temurun. Koba eh, bolaku di tahun 50an. Lokasi eh di noghori 9.
Zaman maghin sughau dibuek daghi buluh. Buluh tu di bolah 2. Dinding eh buluh. Lantai eh buluh. Tanggo eh buluh. Lantai eh pun buluh. Atap eh yo ghumbiyo.
Tibo time solat, adollah jomaah tiap2 waktu kek sughau tu. Dapek la 7,8 oghang jo dongan soghang imam yg dah tuo dan uzur.Tapi taat jadi imam.
Nak jadi an cito, satu insiden yg tak pornah terjadi. Maso tahyat akhir, imam tetibo monangih. Toesak2. Monitik air mato.
Makmum pun turut sobak jadi eh. Kompom dapek lailatul qadar nih. Tapi dek lamo eh monangih, makmum dah mulo polik.
Kok yo pun sobak, dapek lailatul qadar, apo pasal tak boghi salam dari tadi? Kaki dah somut2. Tak ghaso apo dah ni.
Dek tak dapek nahan sabar, soghang makmum bingkeh bangun. Molughu kek pak imam.
"Apo kono eh mam? Lailatul Qadar ko?"
"Lailatul qadar abah kau. Tolo den tosopit kek colah buluh ni aaa..."

0 comments: